泛民五人宣佈棄選。不少朋友不以為然，覺得五人背棄選民者有之，嘲諷泛民各黨早知今日(要棄保)，何必當初(出咁多隊)者有之。我又唔會咁睇。
過去個幾月，大家咪當係泛民搞咗一場以民調和選情為基礎嘅初選囉。俾你出黎選，拉足一個月票，選情都係無起色，咁先會接受俾人勸退。
人是咁的；就算過咗一個沙漠之後，都只係另外一個沙漠，唔試過，唔會甘心放棄。
你睇，1991年民主派聯席會議，協調二人出選新界南，梁耀忠第二，陳偉業第三，陳拍案離場，照樣參選，以些微票數超過梁入局。兩人後來都晉身尊貴，但事隔二十年後，梁仍然耿耿於懷。00年代初民主黨少壯派出走，原因一樣。
如果今次泛民選民棄保反應夠快，那麼「兄弟登山，各自努力」一兩個月，最後一分鐘先來根據歷次民調和在地選情決定棄保，以後或者成為慣例，也未嘗不可。要不然，每次都係幾個大佬(或者頂多幾百個代表)圍爐協調，啲二線人物又不甘長期做綠葉，私怨就日積月累，長遠嚟講......唉，香港有直選議席都二三十年啦，私怨誤事，大家仲見唔少咩。
No comments:
Post a Comment