不割蓆

最近睇咗兩次《不割蓆》。

唔係太清楚一套紀錄片點樣先為之好，但或者以下呢件事可以作參考：我第一次睇，係同一位冇跟開香港情況嘅大陸朋友睇嘅。因為時不時要停低解釋背景，我哋睇吓又停下，停下又睇吓，短短35分鐘嘅片，睇咗差唔多個半鐘。係我太過熱心，定係條片可以花多啲時間將個背景交代得清楚啲？我唔肯定。

至於第二次睇，就有好幾位來自香港嘅同鄉一齊睇。我哋睇住2019年嘅片段，有位黃到話可能唔再返香港嘅朋友講咗句：「早知係噉嘅結果，其實真係好無謂。」喺嗰一刻，我竟然唔知點樣反應。

然後我諗起，嗰年有一次同一位我發現都幾藍嘅「港漂」朋友，喺一間後來俾人話係藍店嘅餐廳食飯時，佢都講過類似嘅嘢。佢當時嘅講法係，「國家要應付貿易戰都已經夠麻煩的了；香港的示威不會得到什麼，只會為國家增添麻煩。真不明白為甚麼你們支持這麼無謂的事情。」

我望住佢話，其實啲抗爭者好清楚，成功爭取民主嘅機會其實幾細。你睇返[19年]5月時嘅文宣就知。但佢哋更加覺得，越拖得耐，個局勢只會更差。如果80年代行出嚟嘅話，成功嘅機會冇咁細；90年代就細咗啲，00年代又再細咗啲；隨住香港係中外關係嘅獨有作用越嚟越細，未來只會更加渺茫。既然我哋冇得倒流時光，依家永遠係最好嘅時機。我仲半帶講笑噉話，如果啲示威者引用〈後出師表〉嘅話，可能會講「然不伐賊，王業亦亡，惟坐待亡，孰與伐之？」

時間呢樣嘢都幾得意：越多嘢發生，就好似過得越快噉。而呢兩年發生嘅嘢真係好多，大家好似都唔再係好記得19年5月嗰時嘅悲情。嗰陣時好多香港人都覺得，冇㗎啦，香港嘅宿命，就係喺全世界唔為意或者扮睇唔到嘅情況下，慢慢變成同大陸一樣。政治、文化，都係噉話。畢竟，又有幾多人在乎錫金點樣慢慢變成印度？又有幾多外人關心過DQ立會議員、一地兩檢？而如果跟返上次香港前途問題嘅時間表，最遲30年代頭呢件事就會發生。

如果我冇記錯嘅話，正因為有呢種「香港就嚟冇咗」嘅感覺，先咁多人會喺嗰年行出嚟。

我喺度諗，如果我哋可以同當時行出嚟嘅香港人講，噉樣落去，最後場運動會比突如其來嘅瘟疫打散。五大訴求都係爭取唔到，你呢一刻認識嘅一國兩制會喺一年內玩完。好多人會犧牲。但係世界會睇到呢場運動，好幾個西方國家都修改左佢哋嘅移民政策，大部份嘅香港人都有得走——佢哋會俾咩反應？

佢哋會唔會話，「一國兩制遲早都玩完㗎啦，噉樣都係提早十年啫」？佢哋會唔會覺得，就算爭取嘅嘢最後得唔到，但係換嚟香港人更強嘅社群認同，世界對呢樣嘢嘅認識同關心，仲有去第二度dub一份未必好似，但總算係香港文化copy嘅可能性，等香港人社群、香港文化有多啲機會可以發展落去，其實都算值得？

我唔知咩答案會多啲。但係我諗，對於嗰個又得人驚但係又冇得避嘅未來，嗰個「本來會發生」嘅時間線，佢哋應該俾我哋記得嘅更加清楚。因為，對而家嘅我哋嚟講，嗰個只係啲冇發生嘅嘢；但對嗰陣時嘅人來講，嗰個係佢哋要面對嘅未來。

噉樣諗落，嗰年嘅口號叫人「不割蓆」，都真係有啲先見之明。

****

十香不知何時停在林佳身傍，十香說，爸爸說過，好人步步生蓮。

林佳說，只是人要走過去，回過頭來，才知道身後是花還是焦土。

十香說，如今你想回頭去收拾嗎？

林佳黯然，如果，當時，勇敢一點，就好了。

（陳慧《異鄉人》最終回）

****

在Vimeo上觀看《不割蓆》

《不割蓆》字幕咭

臉書連結

時代攸關

看見有人引用「有一些價值是比愛恨大 / 要補這個深溝 / 憑著愛不足夠」，便找了張敬軒的《俏郎君》聽。

黃偉文今年填「轉個時代我想跟你相廝守 / 談情在這刻太荒謬」，彷彿輕輕回應他在差不多20年前為陳奕迅寫的《1874》：那首歌的主旨，是只要能在一起，愛情無關所在時代。如果能早出生100年，「漫天烽火失散在同年代中 / 仍可同生共死」。在太平年代賦新詞，想以淒美情節動人，便要設計人鬼情緣的假設場景，才能襯托故事命運的悲慘。

到如今，卻發現轉折劇情原是多餘。即使在同年代中同生共死，時代浪潮沖過，本來可以湊合着度餘生的也頓時顯得荒謬。別離並不很淒美，竟卻比虛構戲劇還哀傷。

時代攸關，唯有如此。

無獨有偶，昨天my little airport的新歌《因講了出來》，也教人想起陳奕迅1997年的《那一夜有沒有(說/雪)》。那時沒有說的話，把「未了的心願埋在那天／心底空缺／被那點雪白蓋掩」。24年後，發覺講了出來之後，「不敢看到美好的詩句／怕用手機影低時／被保安捉去」。

=======

臉書連結
Instagram連結

《俏郎君》MV剪影

葬鴿記

 等待粥煲好的早上聽到Serrini的《Forget that sad Birdie / 忘鳥愛》，想起一件小事。

晨早起來冷風吹啊小鳥沒有飛 為何不開心 這瞬間想不起

某天早上在露台發現一隻鴿。其羽毛灰黑斑駁，背靠地板躺著。是一隻死鴿。

為什麼呢？是夜飛時不小心撞上透明的玻璃窗，然後就這樣死去？是厭倦了每天在車站前地跟別的鴿爭奪偶爾出現的爆谷的生活嗎？不論怎樣也好，鴿是會死的生物——現下在露台上就看得見。

但總不能由得牠躺在那裏，我想。不想就這樣掉進垃圾房，樓下管理處的保安員又正好不在。問了幾位朋友，最有用的資訊卻竟是有人說笑說「老鴿適合煲湯」，但我又不想煲湯。想了一會， 拿了平時掃地用的畚箕權充鏟子，在停車場旁樹下的沙泥裏挖了個小坑， 把牠埋了進去。

我常幻想能搬去極地 但腦海的你會陪著我上機
我決心忘記 便記不起
林夕你騙我吧 決心有用嗎

根據照片資料，那天是2019年7月20日。氣溫介乎13至19度，清晨多雲，到上午放晴，到接近傍晚又逐漸多雲。

大雨過後晴天 到日沒的一霎
我不想跟誰再說話

行文至此，粥煲好了。

====

• Serrini《Forget that sad Birdie》
• 臉書連結

不叫我們遇見試探

 《天主經》裏面有這樣兩句：

不要讓我們陷於誘惑
Do not bring us to the test 

但救我們免於兇惡
But deliver us from evil

在天主教學校待過13年，經文早已滾瓜爛熟。可是今天在各處讀到疑似違反《刑事訴訟程序條例》第9P(2)條，初選案各人申請保釋時在西九龍的陳詞內容，對於耶穌何以教人如此祈求，又好像多體會了一些。 

所謂「test」或者道德考驗，大抵都有一邊是肉身的苦難，一邊是被同道以至自己責備唾棄，教人兩間獨自徬徨。別人在看，選擇卻歸自己。而天主的恩寵各人不同：有人這樣，有人那樣。有些人的恩寵，是要在人前打美好的仗，跑當跑的路，「時窮節乃現」，利鈍成敗都在世間彰顯。但如果在好日子裏過活，一生沒有向世人表現節操的機會，也不致因而陷於兇惡，那也許也是恩寵。

亞孟。

石硤尾聖方濟各堂，攝於2020年12月16日。那天拿單車去小修，在店前看見聖堂，想起小學時的學校禮儀都在這裏舉行，便重遊舊地。

臉書連結