面對疫症，無論英國定香港都不忘初心，非常consistent。
香港醫療有樣嘢周不時都攞出來講，就係好多時因為文化上嘅緣故，以及病人家屬嘅願望，好多時就算康復無望，都會為病人插喉吊命：用咗醫院資源之餘，病人亦都未必好受。呢種現象嘅root cause ，就係香港人重視人命。由得啲「明明救到嘅人」死，香港人唔容易接受。
但亦都正因為重視人命，香港人面對今次疫情嘅時候，可以話係全民總動員，不惜時間或金錢上嘅代價，用盡所有方法抗疫。雖然喺中國大陸側邊，despite林太，但至今仍然只係得百幾宗確診個案，簡直係奇蹟。
而英國呢邊，好耐之前大家已經接受咗資源有限，公營醫療系統要有所取捨。具體做法，係生命有價：如果救返一年嘅健康人生要使多過£20,000-30,000，就係唔抵，公家亦都唔會俾。整體來講，英國人文化上接受咗病人如果救唔番，就應該幫佢安詳咁渡餘年、離世，吊命唔人道亦都唔抵。就算係Alfie Evans單嘢，都係美國福音派關心多，英國輿論可以話係冇轉向。
到面對武漢肺炎疫情，「救人要睇成本效益」呢個行之有效嘅原則當然大派用場。停課？咁樣雖然會減少傳播（佢哋自己計條數，係如果停課13個禮拜以上，可以將高峰減低10-15%），但亦都會搞到好多在職父母要停工返屋企湊仔（呢邊冇外傭）。其中包括好多醫護之餘，更加會衝擊經濟。結論係暫時睇落唔抵。唔止政府咁講，連唔鍾意保守黨政府嘅《衛報》訪問嘅學者都係咁講。
呢幾日粗略推算過英國政府「延緩疫情爆發」策略如果成功，比起任由疫情急速爆發，對經濟嘅影響有咩分別。結論係長期抗戰會死少啲人，但亦都有經濟代價：求其作左幾個假設，除開條數，發現原來每人每年都係英鎊兩萬幾…… 如果你同我講，政府唔係冇得再做多啲，而係計過唔抵，我信。
不過，我好奇佢條數嘅confidence interval有幾大……
臉書連結
香港醫療有樣嘢周不時都攞出來講，就係好多時因為文化上嘅緣故，以及病人家屬嘅願望，好多時就算康復無望，都會為病人插喉吊命：用咗醫院資源之餘，病人亦都未必好受。呢種現象嘅root cause ，就係香港人重視人命。由得啲「明明救到嘅人」死，香港人唔容易接受。
但亦都正因為重視人命，香港人面對今次疫情嘅時候，可以話係全民總動員，不惜時間或金錢上嘅代價，用盡所有方法抗疫。雖然喺中國大陸側邊，despite林太，但至今仍然只係得百幾宗確診個案，簡直係奇蹟。
而英國呢邊，好耐之前大家已經接受咗資源有限，公營醫療系統要有所取捨。具體做法，係生命有價：如果救返一年嘅健康人生要使多過£20,000-30,000，就係唔抵，公家亦都唔會俾。整體來講，英國人文化上接受咗病人如果救唔番，就應該幫佢安詳咁渡餘年、離世，吊命唔人道亦都唔抵。就算係Alfie Evans單嘢，都係美國福音派關心多，英國輿論可以話係冇轉向。
到面對武漢肺炎疫情，「救人要睇成本效益」呢個行之有效嘅原則當然大派用場。停課？咁樣雖然會減少傳播（佢哋自己計條數，係如果停課13個禮拜以上，可以將高峰減低10-15%），但亦都會搞到好多在職父母要停工返屋企湊仔（呢邊冇外傭）。其中包括好多醫護之餘，更加會衝擊經濟。結論係暫時睇落唔抵。唔止政府咁講，連唔鍾意保守黨政府嘅《衛報》訪問嘅學者都係咁講。
呢幾日粗略推算過英國政府「延緩疫情爆發」策略如果成功，比起任由疫情急速爆發，對經濟嘅影響有咩分別。結論係長期抗戰會死少啲人，但亦都有經濟代價：求其作左幾個假設，除開條數，發現原來每人每年都係英鎊兩萬幾…… 如果你同我講，政府唔係冇得再做多啲，而係計過唔抵，我信。
不過，我好奇佢條數嘅confidence interval有幾大……
臉書連結
No comments:
Post a Comment