一向都覺得如果唔係粵語裏面有音冇字，唔應該搵個古字去代替。一嚟好多時搵錯，二嚟市面上如果已經有用開嘅字，只會徒增疑昧。
今朝早喺Facebook上面見到有人反駁百度百科上面「仲有」應該寫做「重有」嘅講法，竟然講到太歲紀年法，話『《爾雅》「太歲在辛曰重光。」係「更加光」，所以應該讀做「頌光」』喎。咁我覺得幾得意，喺午飯時間打咗啲嘢諗住參加討論咁啦。點知打完，原post已經唔見咗。雖然話題既無聊又小眾，但打咗就無謂嘥，都係放出嚟拋磚引玉啦。
先講結論：我傾向推測太歲紀年法嗰堆名，無論係「大歲在甲曰閼逢」定係「在辛曰重光」，都只係天干地支嘅讀音，冇意思。
換言之，即係好似日文嘅音讀同訓讀咁，「山」音讀為「san」或者「sen」，但訓讀則為日語固有詞的「yama」。同樣地，可能上古華夏，至少某啲地方，喺用嚟紀年嘅時候，「甲」、「乙」、「子」、「丑」會訓讀做「閼逢」、「旃蒙」、「困敦」、「赤奮若」。
點解咁諗？好簡單，呢堆歲名唔單止《爾雅·釋天》有，《史記·天官書》都有，但係有啲唔同，例如：
可見雖然用嘅漢字唔同，但讀音係類似嘅。如果呢啲本來係訓讀音，就解得通：Victoria可以係「維多利亞」，亦可以係「域多利」。《爾雅》嘅作者同司馬遷係各自記低當時儒生(口耳相傳)嘅讀法，用咗唔同嘅漢字，實在正常不過。
呢個亦都可以解釋埋點解先秦文獻見唔到佢哋：因為寫出嚟嘅時候，你只會見到「甲子年」，但當年嘅讀法可能係「閼逢困敦」(嘅上古音)。去到戰國、西漢，啲人先至覺得要抄低口耳相傳嘅讀音。《爾雅》本來就係解經用嘅字典，而《史記》、《淮南子》都有記錄當時人所有知識嘅雄心。
不過亦都要帶返個頭盔先：辛嘅歲名係「重光」(爾雅) 或者「昭陽」(史記) ，讀音唔同但意思可以互訓。可能有原本嘅意思。但亦都可以本來係訓讀，但之後俾人當有意思咁整個代稱比佢。霍光封博陸侯，於是古人連「霍亂」都可以用「博陸」代稱，有咩唔得？至於睇落有意思嘅音譯，可見「延文禮士道」、「詩歌舞街」。
到咗今日，我哋仲會用互訓嘅詞嚟做代稱，例如「清汶」。
呢堆名喺後世嘅用途，主要係用嚟故作高深，宋人好似特別鍾意.... 例如司馬光嘅《資治通鑑》，卷一嘅第一句就係「起著雍攝提格，盡玄黓困敦，凡三十五年」。係咪覺得好勁？
其實即係卷一嘅內容：「由戊寅年，去到壬子年，總共35年嘅事」。係咪即刻冇咁型呢。
文天祥有首五律個名好長，係《歲祝犁單閼，月赤奮若，日焉逢涒灘，遇異人指示以大光明正法，於是死生脫然若遺矣》，即係用歲名記晒年月日，睇落型到爆。但係,,,, 等陣，《爾雅》叫呢啲做「歲名」咋喎！跟住落嚟就係「月名」：「正月為陬，二月為如......十二月為涂。」按「月赤奮若」即係丑月，即係十二月，係咪應該叫「涂」而唔係「赤奮若」呢？
可見宋人基本上係當係天干地支嘅別名咁嚟用..... 過咗宋朝，呢個潮流亦都好似過咗。
結論？
(一)《爾雅》嘅「重光」可能冇意思，根本證明唔到廣東話嘅「仲」應該點讀。基本上係irrelevant。
(二) 家陣係咪「重光」讀做「仲光」就重光到先？係嘅我跟你讀又有乜所謂喎。
======
臉書連結
延伸閲讀：
今朝早喺Facebook上面見到有人反駁百度百科上面「仲有」應該寫做「重有」嘅講法，竟然講到太歲紀年法，話『《爾雅》「太歲在辛曰重光。」係「更加光」，所以應該讀做「頌光」』喎。咁我覺得幾得意，喺午飯時間打咗啲嘢諗住參加討論咁啦。點知打完，原post已經唔見咗。雖然話題既無聊又小眾，但打咗就無謂嘥，都係放出嚟拋磚引玉啦。
先講結論：我傾向推測太歲紀年法嗰堆名，無論係「大歲在甲曰閼逢」定係「在辛曰重光」，都只係天干地支嘅讀音，冇意思。
換言之，即係好似日文嘅音讀同訓讀咁，「山」音讀為「san」或者「sen」，但訓讀則為日語固有詞的「yama」。同樣地，可能上古華夏，至少某啲地方，喺用嚟紀年嘅時候，「甲」、「乙」、「子」、「丑」會訓讀做「閼逢」、「旃蒙」、「困敦」、「赤奮若」。
點解咁諗？好簡單，呢堆歲名唔單止《爾雅·釋天》有，《史記·天官書》都有，但係有啲唔同，例如：
甲：「閼逢」(爾雅)；「焉逢」(史記)《淮南子》都有，但我見基本上都係不出《爾雅》、《史記》範圍。
乙：「旃蒙」(爾雅)；「端蒙」(史記)
寅：「攝提格」(爾雅)；「攝提格」(史記) [一樣]
酉：「作噩」(爾雅)；「作鄂」(史記)
可見雖然用嘅漢字唔同，但讀音係類似嘅。如果呢啲本來係訓讀音，就解得通：Victoria可以係「維多利亞」，亦可以係「域多利」。《爾雅》嘅作者同司馬遷係各自記低當時儒生(口耳相傳)嘅讀法，用咗唔同嘅漢字，實在正常不過。
呢個亦都可以解釋埋點解先秦文獻見唔到佢哋：因為寫出嚟嘅時候，你只會見到「甲子年」，但當年嘅讀法可能係「閼逢困敦」(嘅上古音)。去到戰國、西漢，啲人先至覺得要抄低口耳相傳嘅讀音。《爾雅》本來就係解經用嘅字典，而《史記》、《淮南子》都有記錄當時人所有知識嘅雄心。
不過亦都要帶返個頭盔先：辛嘅歲名係「重光」(爾雅) 或者「昭陽」(史記) ，讀音唔同但意思可以互訓。可能有原本嘅意思。但亦都可以本來係訓讀，但之後俾人當有意思咁整個代稱比佢。霍光封博陸侯，於是古人連「霍亂」都可以用「博陸」代稱，有咩唔得？至於睇落有意思嘅音譯，可見「延文禮士道」、「詩歌舞街」。
到咗今日，我哋仲會用互訓嘅詞嚟做代稱，例如「清汶」。
呢堆名喺後世嘅用途，主要係用嚟故作高深，宋人好似特別鍾意.... 例如司馬光嘅《資治通鑑》，卷一嘅第一句就係「起著雍攝提格，盡玄黓困敦，凡三十五年」。係咪覺得好勁？
其實即係卷一嘅內容：「由戊寅年，去到壬子年，總共35年嘅事」。係咪即刻冇咁型呢。
文天祥有首五律個名好長，係《歲祝犁單閼，月赤奮若，日焉逢涒灘，遇異人指示以大光明正法，於是死生脫然若遺矣》，即係用歲名記晒年月日，睇落型到爆。但係,,,, 等陣，《爾雅》叫呢啲做「歲名」咋喎！跟住落嚟就係「月名」：「正月為陬，二月為如......十二月為涂。」按「月赤奮若」即係丑月，即係十二月，係咪應該叫「涂」而唔係「赤奮若」呢？
可見宋人基本上係當係天干地支嘅別名咁嚟用..... 過咗宋朝，呢個潮流亦都好似過咗。
結論？
(一)《爾雅》嘅「重光」可能冇意思，根本證明唔到廣東話嘅「仲」應該點讀。基本上係irrelevant。
(二) 家陣係咪「重光」讀做「仲光」就重光到先？係嘅我跟你讀又有乜所謂喎。
======
臉書連結
延伸閲讀：
No comments:
Post a Comment